Concurso Internacional de Canto Compostela Lírica

A Asociación de Amigos da Ópera de Santiago de Compostela constitúe unha entidade sen ánimo de lucro, que actúa en Santiago de Compostela e na sua área metropolitana. As súas finalidades son o cultivo e fomento da ópera e de todas aquelas actividades, incluídas as pedagóxicas, que poidan levar a unha expansión e a un maior coñecemento da mesma.

O concurso pretende contribuir, na medida das súas posibilidades, ó desenvolvemento artístico dos novos e das novas intérpretes, ofrecendo aos premiados a oportunidade de integrarse en entornos profesionais reais. A través de recitais, colaboracións con institucións musicais e posibles participacións en programacións líricas, preténdese favorecer un primeiro contacto co ámbito profesional que complemente a súa formación e lles permita adquirir experiencia escénica en contextos diversos.

A primeira edición tivo lugar no ano 2018. Na actualidade celebráronse oito edicións, todas elas con gran éxito de participantes e cunha excelente acollida por parte do público e de todas as entidades e organismos colaboradores.

O Concurso conta co patrocinio e a colaboración da Secretaría Xeral de Cultura da Xunta de Galicia, da Deputación da Coruña, do Concello de Santiago de Compostela, do Consello da Cultura Galega, da Fundación José Otero – Carmela Martínez, do Auditorio de Galicia, da orquestra Real Filharmonía de Galicia, da Ópera de Oviedo, do Festival Les Musicales du Luberon e de Viaxes Zonda.

O desenvolvemento e organización é levado a cabo por Amigos da Ópera de Compostela.

1 2 3 Next ›

---